Azolanaren Kultura

Auzolana antzinako tradizioa da nahiz eta gehienek horren berri ez izan; hala ere, gizartearekin batera termino horren esanahia aldatuz joan da. Onerako edo txarrerako, bakoitzak epaituko du horrek, boluntariotza gizakiekin batera eboluzionatu duenez, gizartean betetzen duen funtzioa ere aldatuz joan da.

Definitu behar izanez gero, zera esango nuke: borondateko ekintza, aukera libre baten emaitza da, aukera etikoa, pertsonala, dohainekoa, ordainketak edo ordainsaririk espero ez duena. Hitz zehatza ez da interes eza, auzolanak interesik badu, interes handia eta bere eragile pertsonaletan jasotzen du saria. Beharrei, arazoei eta gizarte interesen erantzuna emateko bitarteko bat da eta elkartasun konpromisoa dakar talde-bizimodua hobetzeko nahian.

Horretaz gain, aipatu beharra dago, auzolana ez dela ekintza pertsonala, gizabanakoarena,norberarena, intimoa baizik. Honen helburua errealitatea hobetzea, mundua aldatzea da, modu eraginkorrean beharrezkoak diren aldaketak gauzatuz. Bat-batekotasunaren aurrean auzolanak antolatuta aritzea eskatzen du guztion indarrak batuz. Beraz, auzolanaren ekintzak antolatutakoa, sistematikoa, sinergikoa izan behar dira eta honek, antolaketak, elkarteak eta fundazioak eskatzen ditu bertan aritu ahal izateko.

Auzolana mundua ikusteko moduarekin lotuta dago. Izaki guztiek elkar nola eragiten garen ikusten da; horrek, jendearen arteko harmonia dakar, hau da, auzolana bizikidetzarekin lotuta dago. Kolektibitatearen zentzua bermatzen du, elkarlana eta berdintasuna landu eta bultzatzen baititu. Izaki sozialak gara eta taldearen beharra dugu nahitaez. Auzolanak erakusten digu talde kohesioa landu beharra dagoela komunitate baten baitan bizi baikara.

Dakigunez, auzolanaren atzean kultura bat dago. Bilakaera handia egon da auzolanean; lehen taldean bizi ginen, baina gaur egun gero eta indibidualagoak bilakatu gara, globalizazioa, komunikabideak eta ekonomia munduko ikuskera aldatu baitute. Euskal Herrian esaterako, industria iraultzaren ondorioz, gainbehera nabaria pairatu zuen auzolanak. Izan ere, enpresetara mekanizazioa ailegatzearen ondorioz, hasiera batean beharrezkoa zuten eskulana guztiz murriztu zen. Hortik aurrera, lehiakortasuna gailentzen hasi zen jarrera izan da.

Auzolana hezkuntzan txertatzeko ahaleginak egin dira, hiritartasunaren hezkuntzan batez ere, baina, modu interdiziplinarrean landu beharko litzateke eduki kurrikularrekin lotura zuzenak egin ahal direlako. Auzolana  garrantzitsua izan daiteke jendartearen beharrak asetzeko. Gizarte post-modernoaren seme-alabak gara, hau da, kontsumismo eta ikuskera likidoaren jarratzaileak. Kontua ez da momentu batean mundua aldatzea, baizik eta ikuskeraz aldatzea, honen aurreko kontzientzia garatzea gure egunerokotasunaren parte bihurtu dadin.