EUSKARA BATZORDEA. Zertan ari dira?

Ane Elkoro, Ixone Telleria, Ainara Derteano, Itxasne Aldekoa eta Ana Perez gogor ari dira lanean "euskara batzordea" taldean. Prozesu osoan zehar 5 ekintza egitea aurreikusten dute: piropo lehiaketa, euskal abestiz osatutako CDak, jinkana, kale neurketa eta bideoa.

PIROPO LEHIAKETA

Data: Maiatzaren 2tik 12ra

Zertan datza? HUHEZIko ikasle, irakasle eta langile orok parte- hartu dezakeen lehiaketa bat da hau. Honen berri emailez, ahoz eta kartulina bidez emango dugu. Jarduera ondorengoa izango da: parte- hartzaileek euskarazko piropo bat idatzi beharko dute eta ondoren hau HUHEZIko kafetegian egongo den kutxa batean sartu beharko dute (jakina, piropoarekin batera egilea edo ezizen bat ere jarri beharko da). Guzti hau astebeteko epean gauzatuko da. Ondoren, astebete igarotakoan, Euskara Batzordeak piropo guztien artetik onena aukeratu eta irabazle izendatuko du. Izenez, irabazle bakarra egongo bada ere, partaide guztien parte- hartzea eskertze aldera, Txomin Txapel egunean “Piropo lehiaketan” agertutako piropo guztiekin pegatinak egingo ditugu; eta pegatinok hilaren 18an guztion eskura egongo dira.

Arauak: - Euskaraz idatzitakoa izan behar da. - Ez da plagiorik onartuko. - Itzulpen kaxkarrek ez dute balio izango. - Originaltasuna kontutan hartuko da. -Ezin daiteke inor iraindu.

Helburuak: - Gure artean hain ezaguna ez den euskararen eremu hau ezagutzara ematea - Ingurukoei hitz goxoak esateko beste hizkuntzetara jo behar ez dugula konturatzea. - Euskaldunok ere elkarri piropoak botatzen badakigula erakustea.

EUSKAL ABESTIZ OSATUTAKO CDak

Data: Maiatzaren 10a

Zertan datza? Euskara bultzatze aldera, euskal musikaz osatuta egongo diren CDak sortuko ditugu. CD gehienak Txomin Txapel egunari begira egingo dira; izan ere, egun ospetsu honetan herriko tabernetan euskal musikaz osatutako CDak jartzeko gonbitea egin nahi diegu Eskoriatzako tabernei. Jakina, CD horiek egin eta hauek banatzeaz gu geu arduratuko gara. Bestalde, HUHEZIko kafetegirako beste CD bat egingo dugu. Izan ere, ohikoena bertan Euskal Herrikoa ez den musika entzutea da eta hori aldatu beharreko ohitura bat dela deritzogu. Beraz, astean zehar euskal musikaz gozatzeko aukera egongo da kafetegian ere.

Helburuak: - Geure herrikoa den musikaz gozatzeko aukera eskaintzea - Testuinguru euskaldunago bat bultzatzea

JINKANA

Data: maiatzaren 14tik aurrera (oraindik ere zehaztu beharra)

Zertan datza?         HUHEZIko ikasle, irakasle eta langile orok parte- hartu dezakeen lehiaketa bat da hau ere. Honen berri emailez, ahoz eta kartulina bidez emango dugu. Jarduera ondorengoa izango da: Lau asteko iraupena izango du, beraz, aste bakoitzean pista ezberdin bat emango da amaieran pertsonaia bat asmatzeko kapazak izanez. Pista horietako bakoitza, korreoz bidaliko dugu eta unibertsitateko ikasgela, pasillo, klaustro eta kafetegian ere jarriko ditugu beti eskuragarri izateko asmotan. Lau pista ezberdin emango ditugu eta pista horiek jakinik, azken euskal pertsonaia hori asmatzea egokituko zaie parte-hartzaileei. Hori bai, parte-hartu nahi izanez gero, derrigorrez taldeka izan beharko da. Azkenik, irabazle izango den talde horrentzat (azken pertsonai hori asmatzen dutenentzat) sari potoloa egongo da. Izan ere, irabazleei Txomin txapel jaialdiko bazkariko menua ordainduko zaie.

Arauak: - Taldeak 8 kidekoak izango dira gehienez. - Unibertsitatean zehar egongo diren kartulinak errespetatu.

Helburuak: - Jokoen bidez gure ingurua euskaratzea - Ikasleei ondo pasatzeko eta disfrutatzeko aukera eskaintzea

KALE NEURKETA

Data: Maiatzaren 8, 10 eta 14

Zertan datza? HUHEZI mailan euskarak duen presentziaz jabetu eta euskararen erabilera gogoeta egiteko egiten da kale neurketa. Fakultatean urteetan zehar euskararen erabileraz ohartzeko baliagarria da jarduera hau. Lehenbizi, kale neurketen inguruko formazioa jasotzea beharrezkoa da, ondoren egin beharra arrakastatsua izan dadin. Izan ere, kontuan izan beharreko zenbait aspektu daude; esate baterako, kale neurketa gauzatzen den tokia (kafetegia, klaustroa edo talde- lana, alegia). Behin beharrezkoa den formazioa jasota, hiru egun ezberdin aukeratu eta hauetan inguruan ditugunek elkarrekin komunikatzeko darabilten hizkuntza zein den identifikatu eta neurketak egiteko fitxan apuntatu behar dugu. Ekintza hau, Euskara Batzordeak ia ikasturtero egiten duen jarduera bat da. Kasu honetan, gure laguntza eskaini diogu elkarteari kale neurketa hauek gehiago sakontze aldera. Modu honetan, datu gehiago egongo dira aztertzeko eta ikerketa aberatsagoa izango da. Bukatzeko, esan, zoritxarrez kale neurketa hauen emaitzak ezin izango ditugula txostenean txertatu. Izan ere, Euskara Batzordeko kide diren Asier Irizar eta Izar Larrañagak azaldu digutenez, kale neurketa hauen emaitzek lanketa handia dute atzetik, eta prozesu luze baten atal bat baino ez dira. Hau da, kale neurketen emaitzen arabera, hauek hobetze aldera zer eta nola egin daitekeen ere zehaztu behar da. Beraz, ikerketa honen emaitzek abenduan ikusiko dute argia.

Arauak: - Ezin diogu inguruko inori kale neurketa honen berri eman. Izan ere, baliteke hizlarien hizkuntza ohiturak aldatuak izatea.

Helburuak: -HUHEZIko Fakultatean euskararen erabilera neurtzea (bai ikasle, irakasle eta langileei dagokienez).

BIDEOA

Data: Maiatzeko azken astean

Zertan datza? Bideo bat egingo dugu euskararen inguruan. Bide honetarako, jendeari euskara beraientzat zer den eta euskarako hitzik politena zein den galdetuko zaie. Grabaketa guztiekin, bideo bakarra osatuko dugu eta iruditzen zaigu, bideo horri esker benetan konturatuko garela euskararen egoera zer nolakoa den edo behintzat, jendeak maite duen edo ez.

Arauak: - Hitz bakarra erabili beharko da “euskara” definitzeko.

Helburuak: - Euskararen garrantziaz ohartaraztea ingurukoei. - Bakoitzaren ikuspuntu desberdinak aztertzea.

EUSKARA BATZORDEAN PARTE-HARTU NAHI?

Jarri beraiekin kontaktuan, zuen kolaborazioa eskertuko dute!