Intxorta Elkarteko kideek Huhezin egon ziren pasaden hilabetean irakasle ikasketak gauzatzen ari diren hirugarren mailako ikasleei hitzaldi bat emateko nahian. Bertan azaldutakoaren berri emateko, ikasle batek egindako lana aurkeztea modurik egokiena ikusten dugu.
Hona hemen, Ane Albisuk egindako lanketa hitzalditik jasotako informazioa erabiliz:
|
Intxorta 1937
Kultur Elkartea
Musutruk.
Horixe da askori burura etortzen zaien hitza lan boluntarioa entzuterakoan.
Egia esan, nire burua ez dut zaku horretatik at ikusten, izan ere, duela urte
batzuk arte nire pentsatzeko modua ere horrelakoa zen. Askok pentsatuko duzue
erabat txoraturik nagoela eta hori idazteak ez duela ez hanka ez bururik,
baina badu azalpena eta hori azaltzen saiatuko naiz hurrengo lerroetan.
Azaltzen saiatzeaz gain, ulerterraza izatea espero dut eta horrekin batera
zure gustukoa.
Aurreko
astean, Intxorta 1937 Kultur Elkarteak Huhezin eskaini zuen hitzaldira
joateko aukera izan nuen eta kapera bertako hotza eta egurrezko eta beirazko
atea atzean utzirik, nire buruari eragiten hasi nintzen.
Hitzaldiko
hitz gakoa: EGIA. Euskal Herrian, Gerra Zibila kausatu zen garaian, sekulako sufrimendua
jasan zen eta elkarte honen helburua garai hartan geratutakoa jakitea da
elkarrizketa ezberdinen bidez. Beraien lana guztiz boluntarioa da, ordainetan
ez dute dirurik jasotzen eta horregatik jende askok deritzo musutruk egiten
dutela lan. Alde batetik arrazoi dute, baina asko pentsatu eta hausnartuz
gero, nire aburuz ordainetan dirua baino garrantzitsuagoa diren beste hainbat
gauza lortzen dituzte. Kasu honetan, garai hartan gertatutako historia eta
egia jakiteko aukera, jende berriarekin elkartzeko aukera, poza kasu
batzuetan… Beraz, musutruk egiten al dute lan? Ez al dute ordainetan beste
zerbait jasotzen?
Dena dela,
aipatu beharra dago, bizi garen gizartea kapitalista hutsa dela eta horrek
denbora guztian diruan pentsatzera eramaten gaituela eta hare gehiago jasaten
ari garen garai hauetan… Horregatik
bizi maila eta ekonomi egoki bat eduki behar da lana egin eta ordainetan
dirua ematen ez duten gauzetan aritzeko. Hori horrela, gero eta
miresgarriagoa iruditzen zait oraindik ere boluntario lanetan ibiltzen diren
horien ekimen eta gogoa.
Ni ere,
elkarte honetako kideak bezalaxe, boluntario lanetan ibilitakoa naiz eta lana
egin ondoren lortutako emaitzek ematen duten alaitasuna, ongizatea,
harrotasuna… balantza batean jarriz gero, dudarik gabe diruari irabazten
diote. Ondorioz, horrelako lanetan sekula ibili ez direnei aukera hori
dastatzera, munduarekiko perspektiba zabaltzera… animatzen diet eta hori egin
ondoren berriro ere hitz hauek irakurtzera. Seguru aski, nire hitzak askoz ere
hobeto ulertuko dituzte eta beste mota bateko hausnarketa egitera iritsiko
dira edo agian ez, nork daki.
Ane Albisu
|
Informazio gehiago nahi izatekotan, honakoa da Intxorta Kultur Elkartearen webgunea:
No comments:
Post a Comment